Қўшимча функционаллар
-
Тунги кўриниш
Қирғизистоннинг Тожикистон билан чегарадош Боткен области раҳбари истеъфога чиқарилди
Қирғизистон ҳукуматининг Тожикистон билан чегарадош Боткен вилоятидаги вакили Омурбек Суваналиев истеъфога чиқарилди. Ушбу областда бир неча кун аввал Қирғизистон ва Тожикистон ҳарбийлари ўртасида тўқнашувлар юз берганди.
Kabar нашрининг маълум қилишича, Суваналиев бошқа ишга ўтказилиши муносабати билан ўз лавозимидан бўшатилган.
Бу орада 24.kg порталининг хабар беришича, Суваналиев ўз лавозимидан бош вазир Улуғбек Марипов буйруғи билан олинган. «Бугун менга бош вазир Улуғбек Марипов қўнғироқ қилиб, ўз лавозимимдан озод қилинганимни айтди. Мен бу ҳақдаги буйруқни ҳали кўрмадим, бироқ менга қўнғироқнинг ўзи етарли. Эртага оилам билан Ўшга кетаман. Маълум вақт у ерда бўлгач, кейин Бишкекка келаман», деб айтган Суваналиев.
Суваналиев ўз лавозимини 2020 йил октябрдан бери эгаллаб келаётганди. Бунгача у Қирғизистон Хавфсизлик кенгаши котиби ўринбосари сифатида фаолият олиб борган.
28 апрел куни Қирғизистон ва Тожикистон чегарасида яшовчи аҳоли ўртасидаги можаро 29 апрел куни икки давлат ҳарбийларининг қуролли тўқнашувига айланиб кетганди.
1 май куни Қирғизистон ва Тожикистон ўт очишни тўхтатиш бўйича келишув имзолади.
Қирғиз-тожик чегарасидаги можаро
Мавзуга оид
12:20 / 04.06.2026
Қирғизистон илк марта БМТ Хавфсизлик Кенгаши таркибига сайланди. Ўзбекистон қардош халқни табриклади
19:57 / 30.05.2026
Ўзбекистондан Қирғизистонга юборилган 21 тонна тарвузнинг ортга қайтарилиши сабаби маълум қилинди
15:28 / 28.05.2026
Ўзбекистон-Қирғизистон чегарасида янги пост очилди
20:10 / 25.05.2026