Хитойнинг назорати йўқотилган фазовий ракетаси бўлаклари Ҳинд океанига тушди

Хитойнинг назорати йўқотилган фазовий ракетаси “Чанчжэн-5Б” бўлаклари Ҳинд океанидаги Малдив ороллари яқинига тушди.

Таъкидланишича, ракетанинг аксарият бўлаклари атмосферада ёниб кетган.

29 апрелда Хитой ракета ёрдамида ўзининг илк коинот станцияси асосий модулини орбитага чиқарганди. 4 май куни эса назорати йўқотилган 21 тонналик ракета Ерга тушаётгани маълум бўлган. Мутахассислар қурилма бўлаклари қаерга тушишини олдиндан айтиш иложсизлигини таъкидлашган.

Chinese Rocket while crossing the skies of #Oman #ChineseRocket #LongMarch5B pic.twitter.com/g8OAMlq8lE

— 𝓛𝓤𝓕𝓕𝓨 (@0_F_0) May 9, 2021

Chinese Rocket while crossing the sky from the Al-Jawf region in northern Saudi Arabia #ChineseRocket #LongMarch5B pic.twitter.com/9uouJF6Sbo

— 𝓛𝓤𝓕𝓕𝓨 (@0_F_0) May 9, 2021

Аввалроқ Пентагон вакили Майк Ховард CNN телеканалига берган интервьюсида АҚШ ракета бўлаклари ортидан кузатаётганини маълум қилган. У, шунингдек, ракета бўлакларининг Ердаги объектлар устига қулаши эҳтимолини истисно қилиб бўлмаслигини қўшимча қилган.  

6 май куни Пентагон раҳбари Ллойд Остин Хитой ракетаси хавфсиз жойга қулашини ва АҚШ уни уриб туширишни режалаштирмаётганини таъкидлаб ўтган.