Наманганда маст ҳолдаги эркакларнинг ўзаро жанжали аянчли якунланди

Жорий йилнинг 6 май куни соат 22:00 ларда Поп туманида Ҳазратибоб шоҳкўчаси ҳудудида 38 ёшли Д.У. 52 ёшли Г.Т. билан маст ҳолатда ўзаро жанжаллашиб қолган.

Д.У. Г.Т. нинг юз қисмига бир маротаба мушти билан урган ва Г.Т. бўй баравари йиқилиши натижасида ҳодиса жойида вафот этган.

Мазкур ҳолат юзасидан Поп тумани ИИБ ҳузуридаги Тергов бўлинмаси томонидан Д.У.га нисбатан Жиноят кодексининг 104-моддаси 3-қисми “д” банди (қасддан баданга оғир шикаст етказиш) билан жиноят иши қўзғатилиб, “қамоққа олиш” тарзидаги эҳтиёт чораси қўлланилган.

Тергов ҳаракатлари давомида марҳум Г.Т Д.У. ёшлигида содир қилган ўғрилигини эслатиб мазах қилиб, унинг юз қисмига бир шапалоқ ургани натижасида ушбу жиноят келиб чиққани аниқланган.

#Наманган #жанжал

Kun.uz янгиликларини Google News'да кузатинг

+ Обуна бўлиш