Евроиттифоқда аҳолининг қарийб учдан бир қисми коронавирусга қарши эмланди

Евроиттифоқда аҳолининг қарийб 32 фоизи коронавирусга қарши вакцинанинг камида бир дозасини олди. Бу ҳақда Еврокомиссия вакили Дана Спинант маълум қилди.

Унинг маълумот беришича, ЕИ мамлакатларига 237,5 млн доза вакцина етказиб берилган ва 196,5 млн вакцинация амалга оширилган.

"Аҳолининг 31,8 фоизи вакцинанинг ҳеч бўлмаганда бир дозасини олди", – деб ёзди Спинант.

5 май куни Еврокомиссия раиси Урсула фон дер Ляйен ЕИда 150 млн киши коронавирусга қарши эмланганини айтганди.  

Ҳозирда Европа иттифоқида Pfizer, Moderna, AstraZeneca ҳамда Janssen вакциналарини қўллашга рухсат берилган.