Япониялик шифокорлар коронавируснинг «олимпия» штамми пайдо бўлиши ҳақида огоҳлантиришди
Япониядаги сўровлар натижаларига кўра, японларнинг кўпчилиги мамлакатда Олимпиада ўйинлари ўтказилишига қарши чиқмоқда.
Дунёнинг турли мамлакатларидан Токио Олимпиадасига келган одамларнинг оммавий тўпланиши эпидемиологик вазиятни мураккаблаштириши ва ҳатто коронавируснинг янги «олимпия» штамми пайдо бўлишига олиб келиши мумкин, деди Япония шифокорлар иттифоқи раҳбари Наото Уэяма.
«Коронавируснинг турли жойларда мавжуд бўлган барча турдаги штаммлари шу ерда – Токиода жамланади. Олимпиададан сўнг янги штамм пайдо бўлиши эҳтимолини рад қила олмаймиз», – деди у.
Унинг эслатишича, Токиодаги Олимпиада ўйинларига 200га яқин мамлакат ва турли ташкилотлардан вакиллар келади.
Япониядаги сўровлар натижаларига кўра, японларнинг кўпчилиги мамлакатда Олимпиада ўйинлари ўтказилишига қарши чиқмоқда.
Аввалроқ Япония шифокорлар касаба уюшмаси ҳукуматни Токиодаги Олимпиада ва Паралимпиада ўйинларини бекор қилишга чақирганди.
Worldometers сайти маълумотларига кўра, пандемия бошланганидан буён Японияда 725,5 мингдан ортиқ киши коронавирус юқтирган, 12,4 мингдан ортиқ бемор вафот этган.
Мавзуга оид
20:08 / 19.10.2024
Япониялик эркак бош вазир қароргоҳига бостириб киришга уринди
11:40 / 19.10.2024
Японияда биринчи марта 50 йилдан ортиқ ишлаётган АЭС реактори фаолиятига рухсат берилди
12:50 / 12.10.2024
Россия ТИВ Японияга АҚШ билан қўшма машғулотлар туфайли норозилик билдирди
18:43 / 01.10.2024