Малайзияда 2 ҳафтага тўлиқ локдаун киритилади

Малайзия бош вазири Муҳиддин Яссин мамлакатда коронавирусга чалинганлар сони кескин кўпайиб кетгани сабабли тўлиқ локдаун киритилишини эълон қилди.

Фото: Bloomberg

Локдаун 1 июндан амал қила бошлайди ва 14 кун давом этади. Бу вақт давомида иқтисодиётнинг энг муҳим тармоқларидан ташқари барчаси вақтинча фаолият юритмайди.

Малайзияда охирги суткада кунлик касалланишлар сони 8,2 мингдан ошди. Бу эса пандемия бошидан бери энг юқори кўрсаткич ҳисобланади. Мамлакат соғлиқни сақлаш вазири Ҳишам Абдулла шифохоналарнинг интенсив даволаш бўлимлари беморлар билан 90 фоизга тўлганини маълум қилган.

Малайзияда илк бор локдаун 2020 йил март ойидан майигача киритилганди. Бундан ташқари, мамлакатда жорий йилнинг 22 январидан 5 мартигача ижтимоий чекловлар амал қилган. Ўшанда ҳукумат чекловлар эвазига ўртача кунлик касалланишлар сонини 3 минггача туширишга муваффақ бўлган.

Тайёрлаган Шуҳрат Раҳимов

#Малайзия #локдаун

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.