Қирғизистон Тожикистон билан чегарадаги қишлоқлар аҳолисини эвакуация қилди

Унинг таъкидлашича, Жекендин округининг 8 мингга яқин аҳолиси ўз уйларини тарк этган.

«Аҳолининг бир қисми Дараут-Қўрғон қишлоғига келтирилди. Улар маҳаллий аҳоли уйларига жойлаштирилди. Эвакуация қилинганларни жойлаштириш учун спорт заллар ва ижтимоий объектлар ҳозирланган, бироқ ҳозирча у ерда ҳеч ким йўқ», деб маълум қилган Низомов.

Амалдорнинг таъкидлашича, Тожикистон билан чегарадаги Чўн-Олой туманида ҳозирча вазият барқарорлигича қолмоқда. «Биз ихтилоф кучайиши ҳолатига хавфсизлик мақсадида аҳолини эвакуация қиламиз», деб қўшимча қилган Низомов.

Аввалроқ Қирғизистон Тожикистон томони 4 июнга ўтар кечаси чегаранинг Чўн-Олой тумани Унжу-Булоқ ҳудудидан ўтувчи қисмида контейнер ўрнатишни бошлагани ва бу мақсадда Қирғизистон ичкарисига минг метргача кирганини маълум қилган. Соат 6га келиб тожикистонлик ҳарбийлар ўрнатилган контейнердан 600 метр ортга чекинишган.

Шунингдек, Тожикистон томондан чегарада автомобил ва енгил зирҳли техникада ҳарбийлар тўпланаётгани маълум қилинган.

Апрел охирида икки давлат чегарасида тўқнашувлар юз бериб, улар оғир қурол қўлланган ҳолдаги жангларга айланиб кетганди. Можарога сув тақсимотидаги баҳс сабаб бўлган. 1 май куни томонлар ўт очишни тўхтатиш ҳақидаги келишувни имзолаган.