УЕФА байроғи остида ўтадиган барча турнирларида сафардаги гол қоидасини бекор қилганини эълон қилди.
Ташкилот хабарига кўра, ушбу қарор 2021/22 йилги мавсумдан кучга киради. Шу тариқа, Чемпионлар лигаси, Европа лигаси ва УЕФАнинг бошқа турнирлари саралаш ва плей-офф баҳсларида икки ўйин натижасига кўра, ҳисоб тенглашган тақдирда, жамоалар қўшимча бўлимларни ўтказишади.
Бунгача икки ўйин натижасига кўра ҳисоб тенглашса, сафарда кўпроқ гол урган жамоа кейинги босқич йўлланмасини қўлга киритар эди.
