Англиянинг учта клуби еврокубоклар финалига чиқди

«Астон Вилла», «Кристал Пэлас» ва «Арсенал» нуфузли совринлар учун курашади.

Фото: Alexander Hassenstein / Getty Images

Европа клублари турнирларининг сўнгги босқичига Англия Премьер Лигасининг учта клуби етиб келди.

«Астон Вилла» Европа Лигаси финалига чиқди. Клуб яримфиналда Англиянинг яна бир вакили «Ноттингем Форест»ни икки ўйин натижасига кўра ортда қолдирди (0:1, 4:0). Финалда Германиянинг «Фрайбург» клуби ҳам иштирок этади. У Португалиянинг «Брага» клуби тўсиғидан ўтишга муваффақ бўлди (1:2, 3:1). Турнирнинг ҳал қилувчи баҳси 20 май куни Истанбулда ўтказилади.

Англиянинг «Кристал Пэлас» клуби Конференциялар Лигаси финалига чиқди. У яримфиналда Украина вакили «Шахтёр»ни икки ўйин натижасига кўра ортда қолдирди (3:1, 2:1). Финалда Испаниянинг «Райо Вальекано» клуби ҳам иштирок этади. У Франциянинг «Страсбур» клуби тўсиғидан ўтишга муваффақ бўлди (1:0, 1:0). Турнирнинг ҳал қилувчи баҳси 27 май куни Лепцигда ўтказилади.

Аввалроқ, Англиянинг «Арсенал» клуби Чемпионлар Лигаси финалига йўл олган эди. Франциянинг «ПСЖ» клубига қарши баҳс 30 май куни Будапештда ўтказилади.