Германияда пичоқ билан қуролланган шахснинг ҳужуми оқибатида бир неча киши ҳалок бўлди

Германиянинг Вюрцбург шаҳрида шахси номаълум эркак пичоқ билан ўткинчиларга ҳужум қилди, деб хабар бермоқда Main Post газетаси.

Нашрнинг ёзишича, ҳужум оқибатида уч киши ҳалок бўлган, камида олти киши жароҳатланган.

Полиция маълумотига кўра, эркакка қарата ўқ узилган ва у қўлга олинган. Унга қадар эса фуқаролар уни тўхтатишга уринган.

Воқеа жойи ўраб олингани айтилмоқда. Полиция аҳолини мазкур ҳудудга яқинлашмасликка чақирган.