Агарда ўн йиллар аввал телевизор билан барча нарса озми-кўпми аниқроқ бўлган бўлса: яъни пультни ғилофидан (кўпчилик инсонлар пультни шундай асрашган) олиб, ёқиш тугмасини босиб, каналларни қандай ўтказиш ва овозни ўзгартиришни ўрганган бўлсак, шунинг ўзи етарли эди. Ҳозир эса ҳар бир телевизорга қатъий қўлланма ҳам илова қилинади.
Замонавий телевизорларда чиндан ҳам осонгина тушуниб олиш мушкул бўлган кўп сонли опциялар ва ҳар турли созламалар мавжуд. Шу сабабли биз қуйида SMART-телевизорларни қандай созлаш, тилини қандай ўзгартириш, Wi-Fi'га ва MagicRemote пультига қандай уланиш ҳақида тушунтиришга ҳаракат қиламиз.
Кўплаб LG телевизорлари тўпламига ўзида классик пульт функцияларини мужассам этган MagicRemote пульти, сичқончаси ва микрофон ҳам тақдим этилади. Пультдан одатий усул каби тугмалар орқали фойдаланиш мумкин, телевизор экранидаги курсорни силжитиш ва керакли дастурларни танлаш орқали бошқариш мумкин, шунингдек, у овоз орқали телевизорни бошқариш имконини ҳам беради.
Ундан фойдаланиш учун аввал пультни LG webOS TV телевизорига улаш керак бўлади. Бунинг учун қуйидагиларни бажариш керак:
- Агарда пультни рўйхатдан ўтказиш имкони бўлмаса, телевизорни ўчириб, қайтадан ёқинг ва қайта уриниб кўринг.
- Овозли буйруқлардан фойдаланиш учун шунчаки, пульт устидаги микрофон тугмасини босинг ва ишлатишни истаган функциянгиз номини айтинг.
- Тилни ўзгартириш учун созламаларга кириб, Умумий, Тил (Language), Тил меню (Menu Language)сини танланг. Кейин эса ўзингиз истаган тилни танлашингиз керак бўлади, холос.
Wi-Fi'га қандай уланиш керак:
1. Пультда Созламани танланг («шестеренки» белгиси);
2. Кейин вертикаль уч нуқтани танлаб, кейин Ёқиш, Тармоққа уланиш созламаси ва Wi-Fi тармоғига уланишни босинг;
3. Қидирув якунланганидан сўнг, ёқиш имкони мавжуд бўлган тармоқлар рўйхати намоён бўлади. Тармоқни танлаб, паролни киритинг.
Телевизорда ўз профилингизни қандай яратиш керак:
1. Пультда Созламаларни босинг;
2. Кейин вертикаль уч нуқтани танлаб, сўнгра Умумий, Профилни бошқариш, LG профил қайдномасига киришни босинг;
3. «Профилни яратиш»ни танланг;
4. Логин ва паролни киритинг. Кириш учун электрон почта манзилидан фойдаланинг;
5. Туғилганлик санасини киритинг;
6. ОК тугмасини босганингиздан сўнг, сиз белгилаган электрон почта манзилига тасдиқлаш учун ҳавола юборилади. Электрон почта манзилини тасдиқлаш жараёнидан ҳавола амал қилиш муддати давомида ўтиш керак.
Агар текширув муваффақиятли амалга ошган бўлса, сиз ушбу профил орқали Киришни амалга оширишингиз мумкин.
Телевизор имкониятларидан ташқари, сиз SMART TV LG орқали ақлли уйнинг турли маҳсулотларини бошқаришингиз мумкин. Бунинг ичига кондиционерлар, чангюткичлар, кир ювиш ва қуритиш машиналари, ақлли колонкалар, музлаткичлар ва бошқа ThinQ функциясидан фойдаланиш имкони мавжуд бўлган LG маҳсулотлари киради.
Бунинг учун ақлли уй бошқаруви панелига кириш ва ўз ThinQ аккаунтингизда маълумотлар киритиш кифоя. Шундан сўнг, LG компаниясининг барча техникаларини бошқариш имкони пайдо бўлади.
Телевизор орқали уй техникаларини қандай бошқариш мумкин:
1. Смартфонга LG ThinQ мобил иловасини ўрнатинг;
2. ThinQ тизимидаги профилингизга киринг ва LG техник маҳсулотларини рўйхатдан ўтказинг;
3. «Уй»га (Дом) тугмасини босинг ва уйни бошқариш Панелига киринг;
4. Профилингизга кирганингиздан сўнг сиз бошқаришингиз мумкин бўлган барча LG ThinQ техник маҳсулотларининг рўйхати пайдо бўлади.
Булар телевизорни қулай бошқариш учун сиз билишингиз лозим бўлган энг муҳим созламалар эди. Агарда сизда қўшимча саволлар пайдо бўлса, сиз доимо фойдаланиш йўриқномасини кўздан кечиришингиз мумкин, у ерда барчаси ҳар бир функция бўйича тушунарли ёритилган.
Сайт: lgblog.uz
Instagram: @lguzbekistan
Реклама ҳуқуқи асосида
