Нью-Йоркда Илон Маскнинг ҳайкали пайдо бўлди

Хабар қилинишича, ҳайкал кўчада беш кун туради. Сўнгра у кимошди савдосига қўйилади.

Фото: public.com

Миллиардер Илон Маск куни кеча ўзининг 50 ёшлик юбилейини нишонлади. Шу муносабат билан Public ижтимоий тармоғи Нью-Йоркда Tesla раҳбарининг бронзадан ишланган ҳайкалини ўрнатди.

Public вакиллари барча хоҳловчиларни ҳайкални томоша қилишга чақирди, чунки у атиги беш кун турганидан сўнг eBay аукционига қўйилади.

Ҳайкал сотувидан тушган пул инвестиция мактабига хайрия қилинади.

Илон Маск SpaceX компаниясининг асосчиси, бош директори ва бош инженери, Tesla компаниясининг бош директори ҳисобланади. Унинг бойлиги 165,9 млрд долларни ташкил этади.