Россия Ўзбекистонга бир қатор жиноятларда айбланаётган 4 кишини топширди

Фото: Коммерсантъ

Россия Ўзбекистонга бир қатор жиноятларни содир этишда, жумладан, гиёҳванд моддалар ноқонуний айланмасида айбланаётган 4 кишини топширди. Бу ҳақда Россия бош прокуратурасида маълум қилинди.

Таъкидланишича, ушбу фуқаролар турли вақтларда Россия ҳудудида қўлга олинган.

«Ўзбекистон бош прокуратураси томонидан ушбу шахсларнинг топширилиши бўйича тегишли сўровлар тайёрланган», деб маълум қилинган Россия бош прокуратурасида.

Ушбу шахслар Ўзбекистонга махсус конвой назоратида етказилган.