Буюк Британияда ниқоб тақиш ва ижтимоий масофа сақлаш талаби бекор қилиниши режалаштирилмоқда

Буюк Британияда мажбурий ниқоб тақиш ва ижтимоий масофа сақлаш талабини бекор қилиш режалаштирилмоқда. Бу ҳақда Sky News нашри хабар берди.

Маълум қилинишича, 19 июлдан жамоат транспорти, дўконлар ва меҳмонхоналарда ниқоб тақиш ихтиёрий бўлади. 

Шунингдек, бар ва паблар ҳамда бошқа жамоат жойларига ташриф буюрганлардан ички COVID-паспортлар талаб қилинмайди.

19 июлдан ижтимоий масофа сақлаш режими бекор қилиниши, тунги клублар ва бошқа муассасалар иш бошлаши кутилмоқда.

Бундан ташқари, концерт ва спорт мусобақаларида томошабинларнинг сони чекланиши бекор қилинади.