Қирғизистонда содир бўлган зилзила кучи Фарғона водийсида сезилди

10 июл куни Тошкент вақти билан соат 21:05да Қирғизистонда ер силкиниши содир бўлди. Бу ҳақда Ўзбекистон ФВВ Сейсмопрогностик мониторинг республика маркази хабар қилди.

“Зилзила координаталари: 40,17 градус шимолий кенглик; 72,16 градус шарқий узунлик. Магнитуда М=4,3. Чуқурлик 15 км. Зилзила эпицентри Тошкентдан 276 км жанубий-шарқда”, дейилади хабарда.

Маълумот берилишича, Ўзбекистон ҳудудида ер силкиниши сезилиш кучи Фарғона шаҳрида 3-4 балл, Андижон шаҳрида 3 балл бўлган.

Эслатиб ўтамиз, 10 июл куни эрталаб ҳам Ўзбекистоннинг кўплаб шаҳарларида 3-4 баллик ер силкиниши қайд этилганди.