Хитойда фуқароларга хорижга чиқиш паспорти бериш вақтинча тўхтатилди

Дунёда коронавирус тарқалиши ҳолатлари кўпайгани сабабли Хитой ҳукумати ўз фуқароларига хорижга чиқиш паспортларини беришни вақтинча тўхтатади. Бу ҳақда давлат миграцион бошқармаси вакили Лю Хайтаога таяниб Синхуа агентлиги хабар берди.

Маълумот берилишича, хитойликлар мамлакатдан чиқишга фақат фавқулодда ҳолатлардагина рухсат олиши мумкин. Ҳукумат хорижга чиқиш учун берилган ҳар бир аризани қатъий текширувдан ўтказади.

Хайтао шунингдек, Хитойга олиб кириладиган ҳар бир товар эпидемиологик текширувдан ўтказилиши ҳақида огоҳлантирди.

Хитойга кириб келаётган ҳар бир транспортда коронавирус излари ёки бемор одамлар борлиги текширилади. Чегара хизматлари ноқонуний миграция устидан назоратни кучайтиради.