Андижон – коронавирусга қарши 1 млн доза вакцина қўлланган учинчи вилоят бўлди

6 август куни Андижон вилоятида фуқароларни короновирусга қарши эмлаш бўйича 1 млн дозалик нуқтадан ўтилди.

Андижон вилоят санитария-эпидемиология осойишталик марказининг Kun.uz'га маълум қилишича, вилоятнинг Улуғнор, Олтинкўл ва Хўжаобод туманларида эмлаш нисбатан фаол олиб борилмоқда.

Вилоят бўйлаб кунига 40-50 минг дозадан вакцинация ишлари амалга оширилмоқда.

Республика миқёсида олганда, Андижон вилояти вакцинация даражаси бўйича Фарғона ва Наманган вилоятларидан кейин 3-ўринда турибди.

#Андижон #коронавирус #вакцина