Франция жанубида ўрмон ёнғинлари сабабли минглаб одамларни эвакуация қилиш бошланди

Франция жанубидаги Вар департаментида ўрмон ёнғинлари сабабли минглаб одамларни эвакуация қилиш бошланди. Бу ҳақда Вар префектураси маълум қилди.

Хабар қилинишича, кемпингларда яшовчи туристлар ҳам хавфсиз жойга кўчирилмоқда.

Ёнғинлар оқибатида уч киши енгил жароҳатланди, 19 киши тутундан заҳарланди, деб хабар бермоқда BFMTV.

Ёнғинлар душанба куни тушдан кейин бошланган ва тонгга яқин 5000 гектар майдонга тарқалган.

Қайд этилишича, 100 га яқин уйга шикаст етган, Charlemagne кемпинги бутунлай ёниб кетган. Регионда бир нечта автомобил йўллари ёпиб қўйилган.

Ёнғинларни ўчириш ишларида 700 нафар ўт ўчирувчи иштирок этмоқда. Уларга кучли жазирама, қурғоқчилик ва шамол халақит бермоқда.