30 августдан Тошкент метросининг барча йўналишлари соат 05:00 дан 00:00 гача ишлайди

Қайд этилишича, Ўзбекистон мустақиллигининг 30 йиллик байрамини нишонлашга тайёргарлик кўриш муносабати билан, жорий йилнинг 30 августидан бошлаб поездлар қатнови бўйича янги жадвал жорий этилади. 

Бунда:

• “Чилонзор” ва “Сергели” йўналишларида эрталабки соат 07:30 дан 09:00 гача поездлар оралиғи 3 дақиқани ташкил этади ва кечки соат 16:30 дан 19:00 гача 4 дақиқа оралиғи билан ҳаракатланади;
• “Ўзбекистон” йўналишида эрталабки соат 07:30 дан 09:00 гача поездлар оралиғи 4 дақиқани ташкил этади ва кечки соат 16:30 дан 19:00 гача 5 дақиқа оралиғи билан ҳаракатланади;
• “Юнусобод” йўналишида эрталаб соат 07:30 дан 09:00 гача 6 дақиқа оралиғи билан ҳаракатланади ва 16:30 дан 19:30 гача поездлар қатнови ҳар 7-дақиқада ташкил этилади.

Шунингдек, жорий йилнинг 30 августидан бошлаб Тошкент метрополитенининг барча линиялари соат 05:00 дан 00:00 гача ишлайди. Бугунги кунга қадар, Юнусобод” ва Ҳалқа ерусти йўналишлари соат 06:00 дан 23:00 гача ишлаган.