65 та янги ОТМ, кўпайган квоталар ва адолатли қабул. Олий таълим 5 йилда қандай ўзгарди?

Олий таълимдаги муаммолар янги даврда тан олинди ва очиқ айтиляпти, хўш, уларнинг ечими учун нималар қилинди?

Бугун Ўзбекистон олий таълим тизими қандай ривожланмоқда? Уни ислоҳ қилишнинг устувор йўналишлари белгиланган концепция нималарни кўзда тутади? Ва асосий савол: унда қўйилган вазифаларга кутилган вақт ичида эришиладими?

Дунёнинг энг яхши мингта олий таълим муассасаларининг 80 фоиздан ортиқроғида фойдаланилаётган ва Ўзбекистон таълим тизимига ҳам фаол татбиқ этилаётган кредит-модул ўқитиш тизими нима?

Мамлакатда ўтган йиллар давомида олий таълимга қамров даражаси нега паст бўлган ва эндиликда қандай мақсадлар билан уни оширишга ҳаракат қилинмоқда?

Kun.uz мухбири Ўзбекистонда олий таълимни ривожлантириш мақсадида бошланган ишлар ва кутилаётган натижалар ҳақидаги шу каби саволлар билан таълим соҳаси масъулларига мурожаат қилди.