Полшадаги қурол заводида портлаш юз берди

Маълумотларга кўра, портлаш оқибатида бир нафар аёл ҳалок бўлган.

Фото: Sputnik

Полшанинг Скаржиско-Каменная шаҳрида жойлашган Mesko қурол заводида портлаш юз берди. Бу ҳақда Polsat телеканали хабар берди.

Телеканал маълумотига кўра, портлаш оқибатида бир нафар аёл ҳалок бўлган.

RMF FM радиостанциясининг хабар беришича, аёл буюртмачиларга жўнатиладиган портловчи моддаларни жойлаётган вақтида улар портлаб кетган.

Mesko Полша армияси учун ўқ-дорилар ва ракеталар ишлаб чиқаради. Завод маҳсулотлари Шимолий ва Жанубий Америка, Скандинавия, Осиё ва Африкага ҳам экспорт қилинади. Заводда Grom ва Piorun зенит-ракета мажмуалари тайёрланади.