Ўзбекистон 7 ойда хориждан 258,3 млн долларлик енгил автомобил импорт қилди

Қўмита хабарига кўра, 2021 йилнинг январь-июль ойларида Ўзбекистон 21та хорижий давлатдан қиймати 258,3 млн АҚШ долларига тенг бўлган 12,2 мингта енгил автомобил импорт қилган. 

Енгил автомобиллар импорти ўтган йилнинг мос даври билан солиштирилганда 5 983тага камайган.

2021 йилнинг ўтган 7 ойи мобайнида Ўзбекистон енгил автомобилларни энг кўп импорт қилган давлатлар:

• Хитой – 3 751та;
• Корея – 3 187та;
• Россия – 2 589та;
• Қозоғистон – 1 330та;
• Польша – 386та; 
• Литва – 312та;
• Таиланд – 250та; 
• АҚШ – 238та;
• Германия – 70та;
• Япония – 56та.

Маълумот ўрнида, 2021 йилнинг 7 ойида қиймати 7,7 млн АҚШ долларига 432та электромобил импорт қилинган.