“Толибон” ҳокимиятни эгаллаганидан буён Кобулдан илк халқаро тижорат парвози амалга оширилди

Афғонистонда “Толибон” ҳаракати ҳокимият тепасига келганидан буён Кобулдан илк халқаро тижорат парвози амалга оширилди. Бу ҳақда CNN телеканали хабар берди.

Хабарда айтилишича, Qatar Airways авиакомпаниясининг Boeing 777 самолёти Кобулдан Доҳага парвоз қилган.

Кобул аэропорти август ўрталаридан буён тижорат парвозлари учун ёпиб қўйилганди.

Аввалроқ Туркия ташқи ишлар вазири Мавлут Човушўғлу Анқара АҚШ ва Қатар билан Кобул халқаро аэропорти фаолиятини тиклаш бўйича иш олиб бораётганини маълум қилганди.

Маълумотларга кўра, Туркия миллий авиакомпанияси Turkish Airlines Истанбулдан Афғонистон пойтахти Кобулга рейсларга чипта сотишни бошлаган.