Футзал бўйича ЖЧ. Португалия Испанияни, Қозоғистон Эронни камбэк билан мағлуб этди ва яримфиналга йўл олди

Литвада ўтаётган жаҳон чемпионатида иккинчи яримфинал жуфтлиги ҳам маълум бўлди. 

Португалия Испанияга қарши баҳсда икки тўп фарқини йўққа чиқариб, ўйинни қўшимча бўлимларга олиб борди ва унда ғалабани илиб кетди. 

Қозоғистон эса Эрон билан ўйинда 0:2 ҳисобини 3:2га айлантира олди.

Шу тариқа яримфиналда 29 сентябрда Бразилия Аргентинага қарши, 30 сентябрь куни Қозоғистон Португалия билан тўқнаш келади.

Футзал. ЖЧ. 1/4 финал. 27 сентябрь

Испания — Португалия 2:4
Голлар: Адолфо (21), Адри (23) — Андре (31), Зики (36), Райя (43, автогол), Варела (48). 

Эрон — Қозоғистон 2:3
Голлар: Оладгобад (8), Исмоилпур (15) — Самими (25, автогол), Кнауб (29),  Тайнан (39).