Афғонистондаги қашшоқлик, Суриядаги қурғоқчилик, бутун дунёда иқлим ўзгаришлари. Турли нуқталардан фотосуратлар

Толиблар келгунича ҳам тоғ қояларидаги ғорларда, қашшоқликда яшаб келган бомиёнликларнинг аҳволи эндиликда янада оғирлашди.

«Биз кечки овқатга ҳеч нарса емаймиз. Қиш яқин. Исиниш учун ҳеч нарсамиз йўқ. Биз бахтсизликда яшаяпмиз», дейди водийдаги аёллардан бири.

Суриялик фермер Абдулбоқий Сулаймон ўтган йилги ҳосилини ёнғин туфайли йўқотганида бу йили яхшироқ ҳосил олишга умид қилганди. Аммо баҳорда деярли ёмғир ёғмади.

Иқлим ўзгаришлари туфайли бутун дунё бўйлаб ўрмон ёнғинлари ва қурғоқчиликлар кузатилмоқда. Сурия ҳам бу йил ёғингарчилик жуда кам бўлишидан азият чекди, айниқса Ҳасакия вилоятида қишлоқ хўжалиги жиддий жабрланди.

АҚШнинг Калифорния штатидаги Ҳантингтон-Бич соҳилларида катта миқдордаги нефть Тинч океанига тўкилди. Нефть қувуридан, тахминан, уч минг баррель (тахминан, 477 минг литр) нефть океанга чиқиб кетган.

Соҳилда сувга янада кўп нефть оқиб кетмаслиги учун тўсиқлар ўрнатилган.

Ҳантингтон-бич шаҳридаги пляжни тозалашга жалб этилган ишчилар шторм келаётгани туфайли иш жойини тарк этмоқда. 

Нигерия пальма ёғи ишлаб чиқариш секторини жонлантирмоқчи. 

Бангладешдаги Кераниганж шаҳри портида ишчи кемада таъмирлаш ишларини олиб бормоқда. 

Россиянинг «Союз МС-19» фазовий кемаси тарихда биринчи марта киноижодкорлардан ташкил топган экипаж билан Халқаро коинот станциясига йўл олди. Кемада станцияга «Вызов» фильми суратга олиш гуруҳи аъзолари: актриса Юлия Пересильд ва режиссёр Клим Шипенко учган. 

Мехико шаҳрида минглаб мексикаликлар абортга қарши намойишга чиқди. 

Индонезияда миллий қуролли кучлар тузилганининг 76 йиллиги кенг нишонланди. 

Таиландда «Дианму» бўрони туфайли юзага келган сув тошқини оқибатида камида 8 киши ҳалок бўлди. 

Ишчилар Лондонда кучли ёмғирлар оқибатларини бартараф этмоқда.

Сочида кучли ёмғирлар туфайли юзага келган сел вақтидаги ўпирилиш уйларни вайрон қилди.

Иқлим ўзгаришлари Флоридадаги Эверглейдс боғига таҳдид солмоқда. 

Венесуэла Колумбия билан қуруқлик чегарасини очди. 

Туркманистон президенти Гурбангули Бердимуҳамедовнинг Тошкентга ташрифини ёритиш учун Ашхободдан келган туркман журналистлари.