Покистонда кучли зилзила юз берди, қурбонлар бор
Покистоннинг Балужистон вилоятида 5,8 магнитудали зилзила юз берди. Табиий офат оқибатида камида 20 киши ҳалок бўлди, 300дан кўпроқ киши жароҳат олди. Бу ҳақда мамлакатнинг табиий офатларга қарши курашиш бошқармаси директори Носир Носир маълум қилди.
Зилзила ўз марказидаги силкинишлар жадаллиги бўйича “вайронкор” деб баҳоланган.
Маълумотларга кўра, зилзила Тошкент вақти билан соат 03:01да қайд қилинган. Унинг маркази Кветта шаҳридан 100 км узоқликда, ўчоғи эса 10 км чуқурликда бўлган. Табиий офат оқибатида юздан ортиқ уйлар вайрон бўлган, кўпларига, жумладан ҳукумат биноларига зарар етган. Зилзила кучи вилоятдаги кўплаб шаҳарларда сезилган.
Ҳозирда ҳукумат зилзила оқибатида етказилган зарарни баҳолаш билан шуғулланмоқда. Таъкидланишича, қурбонлар сони ошиши мумкин.
Мавзуга оид
14:34 / 06.10.2024
Алишер Тўхтаев Ўзбекистоннинг Покистондаги элчиси этиб тайинланди
21:12 / 22.09.2024
Покистонда Россия элчиси кортежидаги автомобил мина билан портлатилди
12:50 / 21.09.2024
Покистон Ўзбекистон иштирокидаги халқаро транспорт йўлагини ташкил этиш бўйича меморандумни имзолади
14:10 / 10.09.2024