Жиззахда вояга етмаган ўсмир машина бошқариб йўл-транспорт ҳодисасини содир этди

Фото: ИИБ ЙҲХБ ахборот хизмати

Жиззах шаҳрида вояга етмаган ўсмир машина бошқариб йўл-транспорт ҳодисасини содир этди. Оқибатда оғир тан жароҳатлари олиб шифохонага ётқизилди. Бу ҳақда вилоят ИИБ ЙҲХБ ахборот хизмати хабар бермоқда.

Маълум қилинишича, жорий йил 17 октябрь куни соат 00:25 ларда Жиззах шаҳрида вояга етмаган ўқувчи бошқарувида бўлган Nexia-2 йўл-транспорт ҳодисаси содир этган.

Шаҳардаги 26-мактабнинг 10-синфида ўқийдиган ўсмир Nexia-2 машинасини бошқариб бораётиб ўзига қарама-қарши йўналишда ҳаракатланаётиб келаётган Lacetti машинаси билан ўзаро тўқнашган. Оқибатда ўсмир оғир тан жароҳатлари олиб шифохонага ётқизилган.

Қайд этилишича, мазкур ҳодиса юзасидан ўсмир таълим оладиган 26-мактабда йўл-ҳаракати ҳодисаларининг олдини олиш бўйича ота-оналар ва ўқувчилар иштирокида муҳокама ўтказилган. Ота-оналарга фарзандларига эътиборли бўлиш уқтирилган.

Жиззахда содир бўлган йўл-транспорт ҳодисалари оқибатида икки киши вафот этди – вилоят ИИБ

Жиззахда Cobalt автобус билан тўқнашди. Икки киши вафот этди

Тайёрлаган: Ғайрат Йўлдошев

#ЙТҲ