Қашқадарёда 273 нафар мансабдор коррупция билан боғлиқ жиноятларни содир этгани учун жазолангани айтилди

Фото: Қашқадарё вилояти ҳокимлиги

Қашқадарёда 273 нафар турли даражадаги мансабдор шахс коррупция билан боғлиқ жиноятларни содир этгани учун жазоланган. Бу ҳақда 26 октябрь куни Коррупцияга қарши курашиш бўйича ўтказилган навбатдаги мажлисда маълум қилинган.

2021 йил 26 октябр куни Қашқадарё вилоятида Коррупцияга қарши курашиш бўйича ўтказилган мажлисда ҳудудий давлат идораларининг ахборотлари эшитилган.

Мажлисда сенаторлар, маҳаллий кенгаш депутатлари, коррупцияга қарши курашиш агентлиги вакили, ҳудудий ҳуқуқни муҳофаза қилувчи органлар, давлат ва жамоат ташкилотлари раҳбарлари ҳамда оммавий ахборот воситалари вакиллари иштирок этган.

Қайд этилишича, таҳлил қилинаётган даврда Қашқадарё вилоятида 273 нафар турли даражадаги мансабдор шахс, 36 нафар соҳа ходими коррупция билан боғлиқ турли жиноятларни содир этганлиги учун жиноий жавобгарликка тортилган.

Қашқадарёда 2019–2020 йилларда 562 нафар мансабдор коррупцион жиноят содир этгани учун жиноий жавобгарликка тортилгани маълум қилинди