МИБ Сирдарё вилоят бошқармаси томонидан вилоят бўйича 9 238 нафар болаларнинг таъминоти учун 8 339 нафар қарздордан даврий тўловлар юзасидан ижро ҳаракатлари олиб борилмоқда. Бу ҳақда МИБ Сирдарё вилоят бошқармаси катта суриштирувчиси Икромхон Убайдуллаев Kun.uz’га маълум қилди.
Икромхон Убайдуллаев / Фото: Kun.uz
Жорий йилнинг ўтган 9 ойи давомида 553 та оила қайта тикланишига эришилган. Шунингдек, 68 та ҳолатда алимент тўловлари пул маблағи, уй-жой, автомашина ва бошқа шаклда қопланиб, болаларнинг вояга етгунига қадар таъминоти тўлиқ таъминланди.
Алимент ундириш ҳамда ишсиз алимент тўловчиларни иш билан таъминлашга қаратилган тадбирлар натижасида вилоятда 2 363 нафар фуқаро доимий ва мавсумий ишга жойлаштирилган.
Вояга етмаган фарзандларини моддий таъминлашдан бўйин товлаган шахсларга нисбатан ЖКнинг 122-моддаси бўйича 39 та жиноят иши қўзғатилиб, суриштирув ҳаракатлари олиб борилди ва аниқланган 188,1 млн сўм моддий зарарлар ундирилди. Алимент тўлашдан бўйин товлаган 209 нафар шахс маъмурий жавобгарликка тортилди.
