ЖССТ Европадаги COVID-19 билан боғлиқ вазиятдан хавотир билдирди

Европада COVID-19 коронавируси тарқалиши суръати хавотир уйғотмоқда, деди ЖССТнинг Европадаги минтақавий бюроси директори Ҳанс Клюге.

«Биз яна эпимарказда қолдик», — дея унинг сўзларидан иқтибос келтирмоқда Le Figaro газетаси.

Клюгенинг айтишича, Европа минтақасидаги 53 мамлакатда инфекция тарқалиши тезлиги жуда хавотирли.

«Агар ушбу тенденция ўзгармаса, февралга бориб COVID-19 билан боғлиқ яна 500 мингта ўлим рўй бериши мумкин», — деди у.

ЖССТнинг фикрича, Европада вазиятнинг ёмонлашиши эмланган одамлар улушининг озлиги ва чеклов чораларининг юмшатилиши билан боғлиқ.

Европа минтақавий бюросининг маълумот беришича, бир ҳафта давомида Европа мамлакатларида коронавирус билан боғлиқ госпитализациялар сони икки бараварга ошган.