Шу билан бирга, Қирғизистон хавфсизлик кенгаши раиси ўринбосари Талатбек Масадиков “Толибон” вакиллари билан музокараларни давом эттириш зарурлигини қайд этди.
Қирғизистон ҳукумати ҳозирча Афғонистондаги толиблар ҳукуматини тан олмайди. Бу ҳақда Қирғизистон хавфсизлик кенгаши раиси ўринбосари Таалатбек Масадиков маълум қилди.
“Бугунги кунда биз томонимиздан толибларни тан олиш тўғрисида гап бормаяпти”, - деди у.
Шу билан бирга, Масадиков “Толибон” вакиллари билан музокараларни давом эттириш зарурлигини қайд этди. Унинг сўзларига кўра, толибларни Афғонистонда мавжуд муаммолар билан юзма-юз қолдириш тўғри бўлмайди.
“Уларни изоляцияда қолдириш керак эмас”, - деб таъкидлади у.
