Хитой COVID-19 сабабли чегаралардаги назоратни кучайтирди

Хитой миллий иммиграция бошқармаси мамлакатга COVID-19 олиб кирилишининг олдини олиш мақсадида чегара назоратини кучайтирди. Бу ҳақда Global Times газетаси хабар бермоқда.

Қайд этилишича, ушбу чора мамлакатда коронавирус ҳолатларининг авж олиши билан боғлиқ.

Фуқаролар мамлакатдан чиқмасликка чақирилмоқда, кириб келаётган хорижликлар эса қатъий текширувдан ўтказилмоқда. Пекин Олимпиадасига келадиган спортчилар дастлаб ёпиқ масканга жойлаштирилади.

Хорижий ва чартер рейслар устидан назорат кучайтирилди. Юк машиналари махсус маршрут бўйлаб юриши белгиланди.  

Ерусти чегараларда назорат қатъийлаштирилди. Чегарадаги музлаган дарёларга соқчилар қўйилди.

Хитойда 17 октябрдан касаллик юқтириш ҳолатлари авж олди. 3 ноябр ҳолатига кўра, 17 провинция ва районда 500дан ортиқ ҳолат аниқланган.