Магистратурага қўшимча қабул учун рухсат берилди
Магистратура мутахассисликларига қўшимча қабул учун рухсат берилди. Бу ҳақда Олий таълим вазирлиги хабар қилди.
Қайд этилишича, давлат олий таълим муассасаларига 2021/2022-ўқув йили магистратура мутахассисликлари бўйича кириш имтиҳонларида иштирок этиб, мутахассислик фанидан белгиланган максимал баллнинг 40 фоизи ва ундан юқори балл тўплаган абитуриентлар тегишли олий таълим муассасаси томонидан белгиланган тўлов-контракт асосида баллар кетма-кетлигига қатъий амал қилган ҳолда ўқишга қабул қилиниши мумкин.
Магистратурага кириш имтиҳонларида иштирок этиб, юқоридаги талабни бажарган талабгорлар тегишли олий таълим муассасаси қабул комиссиясига 2021 йил 9 ноябрдан мурожаат қилиши мумкин.
Тўлов шартнома миқдорининг камида 50 фоизини бажаришнинг охирги муддати - 2021 йил 20 ноябрь.
Президентнинг 2021 йил 22 июндаги қарорига кўра, магистратура мутахассисликларига қўшимча қабул тўлов-контракт миқдори бир талабанинг ўқиши учун сарфланадиган харажат миқдоридан келиб чиққан ҳолда олий таълим муассасаси томонидан белгиланади.
Мавзуга оид
23:29 / 28.08.2024
Магистратурага қабул натижалари эълон қилинди
14:50 / 06.08.2024
Магистратура учун рад этилган аризаларни таҳрирлашга қўшимча муддат берилди
11:00 / 01.08.2024
1-синф учун микроҳудуддан ташқари мактабларга қабул бошланди
19:01 / 27.07.2024