Японияда 15 ой ичида илк бор коронавирусдан ўлим ҳолати қайд этилмади

Фото: Reuters

Аҳолиси 126 млн киши бўлган Японияда охирги суткада 162та янги касалланиш ҳолати аниқланди. Эътиборлиси, 15 ой ичида илк бор кунчиқар мамлакатда вирусдан бирорта ўлим ҳолати қайд қилинмаган.

Охирги марта бундай ҳолат 2020 йил августида қайд этилган.

Айни вақтда мамлакатда 1,724 млндан кўпроқ кишида коронавирус аниқланган, ўлим ҳолатлари 18 мингдан кўпроқни ташкил қилмоқда.

Японияда пандемия вақтида коронавирусдан ўлим ҳолатлари бўйича антирекорд 2021 йил 14 май куни қайд қилинганди: ўшанда бир кун ичида 216 киши вирус қурбонига айланган.

Айни вақтда мамлакатда 98 млндан кўпроқ киши (аҳолининг 78 фоизи) коронавирусга қарши вакцинанинг бир дозаси, 92,5 млндан кўпроқ киши (73 фоиз аҳоли) икки дозаси билан эмланган.

Тайёрлаган Шуҳрат Раҳимов

#Япония #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.