Олимлар томирида электр энергиясини тўплай оладиган ўсимлик яратишди

Electronic Plants Group томонидан ўтказилган тадқиқотлар ана шундай натижага олиб келди. 2015 йилда жамоа ўсимликка PEDOT ўтказувчи полимер қўшиш йўли билан атиргулларнинг томир тўқималарида электр занжирлари яратган эди. Кейинчалик ундан транзисторларни шакллантиришда фойдаланилган. 2017 йилда олимлар унинг ўрнига ўсимлик ичида ҳосил бўлган конъюгацияланган олигомер ETE-S жорий этишган.У эса электр энергиясини тўплай оладиган электр ўтказгичга айланган.

Дастлабки босқичларда ҳаётийлиги қисқа муддат давом этган кесилган ўсимликлар билан иш олиб борилган. Сўнгги тадқиқотда уруғлардан ўстирилган оддий ловия билан ишланган, у олигомерли эритма билан суғорилган. Phaseolus vulgaris дуккакли ўсимлиги ETE-S олигомерларини табиий тартибда полимерлаштирган.

Натижада илдизда электр энергиясини ўтказувчи полимер пеленка ҳосил бўлди ва жами илдиз тизими тўрт ҳафтадан ортиқ муддат давомида электр фаол бўлган симлар тизимига айланган. Илдиз конденсаторлар зарядлаш ва заряддан тушириш вақтидаги электродлар каби ҳаракат қилган. Тирик ўсимлик кесилган ўсимликка қараганда 100 марта кўпроқ энергия сақлай олган.