Қашқадарёда МИБ томонидан қидирувда бўлган 328 нафар шахс топилгани маълум қилинди

Қашқадарёда Мажбурий ижро бюроси томонидан қидирувда бўлган 328 нафар шахс топилган. Яна 218 нафари қидирилмоқда. Бу ҳақда МИБ вилоят бошқармаси ахборот хизмати хабар бермоқда.

Маълум қилинишича, Мажбурий ижро бюроси Қашқадарё вилоят бошқармасининг Қидирув шўъбаси 10 ой мобайнида давлат ижрочилари томонидан қидирув эълон қилинган 328 нафар қарздорни топган. Улардан 588 миллион сўм пул маблағлари ундирилиб, қарздорликни тўламаган шахслар тегишли тартибда жавобгарликка тортилган.

Шунингдек, қарздорларга тегишли қидирувдаги мол-мулкларнинг 286 таси топилиб, улардан 34 миллиард 502 миллион сўм пул маблағлари ундирилиши таъминланган.

Қайд этилишича, айни дамда МИБ вилоят бошқармаси томонидан 218 нафар қарздор шахс ва қарздорларга тегишли 78 та мол-мулк қидирилмоқда.

Қашқадарёда қарздорлиги туфайли 360 нафар шахс ва 324та транспорт воситасига қидирув эълон қилинган

Самарқанд вилоятида қарздорлиги туфайли 117 киши ва 61та транспорт воситасига қидирув эълон қилинган