Петербург - Наманган йўналишидаги самолёт бортида чақалоқ туғилди

Санкт-Петербург – Наманган йўналишидаги самолёт бортида чақалоқ дунёга келди. Бу ҳақда «Новости ташкентского неба» телеграм канали хабар бермоқда.

Россиянинг «Аэрофлот» авиакомпаниясига тегишли, Санкт-Петербург – Наманган йўналишида парвоз қилган SU-602 самолёти экипажи бортда йўловчилардан бирининг кўзи ёригани сабабли йўналиш бўйича захира аэропортга қўнишга қарор қилди.

Самолёт Нижний Новгород халқаро аэропортига қўнди (қўниш маҳаллий вақт билан соат 03:31да амалга оширилган).

Қайд этилишича, туғуруқ экипаж томонидан қабул қилинган. Чақалоқ ва онанинг аҳволи яхши, самолёт Наманганга учиб кетгани айтилади.