Ҳиндистонда юк машинаси иштирокидаги ЙТҲ оқибатида 18 киши ҳалок бўлди

Ҳиндистоннинг Ғарбий Бенгалия штатида автомобилнинг юк машинаси билан тўқнашиши оқибатида 18 киши ҳалок бўлди, беш киши жароҳатланди. Бу ҳақда Синҳуа агентлиги хабар берди.

Автоҳалокат кечки пайт юз берган.

Қурбонлар крематорийга кетаётган йўловчилар бўлган, жароҳатланганлар шифохонага ётқизилган.

Дастлабки суриштирувларга кўра, автоҳалокатга автомобилни эҳтиётсизлик билан бошқариш ва йўлдаги қуюқ туман сабаб бўлган.

Расмий маълумотларга кўра, Ҳиндистонда ҳар йили 500 мингга яқин ЙТҲ оқибатида 150 мингга яқин одам ҳалок бўлади.