Bild нашри Россиянинг Украинага ҳужум қилиш режаси харитасини эълон қилди
Нашрнинг ёзишича, Москва ҳужум қилишнинг иккита режасини кўриб чиқмоқда. Биринчисида бирданига иккита фронт – Қрим ҳамда Донецк ва Луганскдан ҳужум уюштириш кўзда тутилган. Иккинчи режа эса уч босқичдан иборат.
Германиянинг Bild нашри Россия армиясининг Украинага тахминий ҳужум қилиш харитасини чоп этди.
НАТОдаги ва хавфсизлик хизматидаги манбаларига асосланганини билдирган нашрнинг ёзишича, Москва ҳужум қилишнинг иккита режасини кўриб чиқмоқда. Биринчисида бирданига иккита фронт – Қрим ҳамда Донецк ва Луганскдан ҳужум уюштириш кўзда тутилган. Иккинчи режа эса уч босқичдан иборат.
«Жануб» деб аталган биринчи босқич Украинанинг жанубий регионларига ҳужум қилиш орқали мамлакатни денгиздан кесиб қўйишни ўз ичига олади. «Шимол-шарқ» деб номланган иккинчи босқичда баллистик ракеталар зарбаси остида Украинанинг мудофаа салоҳияти заифлаштирилади. Бу биринчи босқич билан параллел равишда амалга оширилади. Учинчи — «Киев» босқичида шимолдан Украина пойтахтига ҳужум қилиш режалаштирилган.
Россия армияси «Коростень-Умань» чизиғигача бориб, Киевни таслим бўлишга мажбур қилмоқчи. Уч босқичли режа натижасида Украина ҳудудининг учдан икки қисми эгаллаб олинади, дейилади мақолада.
Аввалроқ The Associated Press (AP) Россия 2022 йилнинг дастлабки ҳафтасида Украинага ҳужум қилишга тайёрланаётгани ҳақида ёзганди.
Мавзуга оид
10:10
РФ чегарачилари Арманистон ва Эрон чегарасини қўриқлашни тўхтатади
23:12 / 08.10.2024
Россия компаниялари мигрантлар етишмовчилигидан оммавий шикоят қилмоқда
23:00 / 08.10.2024
Путин ўзбекистонлик дипломат Илҳом Неъматовни орден билан тақдирлади
21:55 / 08.10.2024