Испаниянинг йирик банки лавозим таклиф қилиб сўнг ишга олмагани учун банкирга қарийб 68 млн евро тўлайди
Банк 2018 йил сентябрда Орчелга ижрочи директор лавозимини таклиф қилган. Аммо музокаралар давомида томонлар банкирнинг маоши ва компенсация тўловлари борасида келиша олмаган.
Мадрид суди Santander банки банкир Андреа Орчелга 67,8 млн евро тўлаши тўғрисида ҳукм чиқарди, деб ёзади Bloomberg.
Банк 2018 йил сентябрда Орчелга ижрочи директор лавозимини таклиф қилган. Аммо музокаралар давомида томонлар банкирнинг маоши ва компенсация тўловлари борасида келиша олмаган. Натижада Santander банки унга берилган таклифини қайтариб олган.
Орчел банкни судга берган. У ижрочи директор лавозимини эгаллаш таклифи берилган мактуб расмий шартнома ҳисобланишини ва банк шартномани бекор қилгани учун унга компенсация тўлаши кераклигини талаб қилган.
Santander мактуб "норасмий таклиф" бўлгани ва ҳеч қандай юридик кучга эга эмаслигини билдирган.
Суд Орчелнинг даъвосини қаноатлантирди ва Santander банки унга 67,8 млн евро компенсация тўлаши борасида ҳукм чиқарди. Бу банкирнинг икки йил давомида олиши кўзда тутилган маоши ҳамда у 10 млн евро деб баҳолаган маънавий зарарни ўз ичига олади.
Мавзуга оид
16:52 / 04.10.2024
Наманган вилоят суди раиси ўринбосари фуқаронинг уйини сохта ҳужжатлар билан ўз номига ўтказиб, сотиб юборгани айтилмоқда
13:10 / 03.10.2024
ЕИ суди РФ ҳукумати ва фирмаларига юридик ёрдам кўрсатиш тақиқланганини тасдиқлади
11:51 / 01.10.2024
“Жабрланувчилар рози эмас” - Фарғона вилоят судида процессни тасвирга олмаслик учун “ёпишмаган” сабаб кўрсатилди
19:10 / 30.09.2024