Янги Зеландияда номаълум эркак бир кун ичида коронавирусга қарши 10та вакцина билан эмланди

Daily Mail нашрининг хабар беришича, ҳозирча шахси аниқланмаган эркак бошқалар учун пул эвазига вакцина олган.

У турли эмлаш пунктларига ташриф буюриб, ҳар гал ўзини бошқа одам қилиб кўрсатган. Таъкидланишича, шифокорлар бундан бехабар ҳолда эмлаш ҳақидаги маълумотлар янгиланмагунча унга вакцина дозаларини киритаверишган.

Мутасадди идораларнинг тахмин қилишича, ўзи вакцина олишни истамаган 10 одам эркакка ўзлари ўрнига эмланиш учун пул тўлаган. Янги зеландияликлар баъзи корхоналар ҳамда жамоат жойларига ташриф буюриш учун эмланиши ва бу ҳақда сертификатга эга бўлиши керак.

Окленд университети вакцинологи Хелен Петусис-Харрис эркакнинг бу ишини “аҳмоқлик” деб атаган. Унинг фикрича, турли вакциналарнинг бир организмга таъсири ҳақида маълумотлар озлигига қарамай, эркак бу ишидан кейин ўзини жуда ёмон ҳис қилиши мумкинлигини айтган.

Таъкидланишича, эркак бундай кўп миқдорда вакцина билан эмланганига қарамай, тавсия қилинган икки доза вакцина олганларга нисбатан коронавирусдан кўпроқ ҳимояга эга бўлмайди. Айни вақтда мутасадди идоралар ушбу ҳолатни тергов қилмоқда.

Маълумотларга кўра, айни вақтда Янги Зеландия аҳолисининг 94 фоизи вакцинанинг биринчи дозаси билан, 89 фоизи эса икки дозаси билан эмланган.