Илон Маск АҚШ тарихидаги рекорд солиқни тўлайди

Аввалроқ америкалик сенатор Элизабет Уоррен Маск Time нашри томонидан “Йил одами” деб топилгани ҳақидаги хабарга Маск каби одамлар “бировларнинг ҳисобига яшамасдан, ҳақиқатан ҳам солиқлар тўлашни бошлаши” учун АҚШ солиқ кодексини ўзгартиришга чақирган.

Америкалик тадбиркор бунга жавобан 2021 йилда АҚШ солиқ бошқармасига жуда катта миқдорда солиқлар тўлашига сенатордан эътибор қаратишни сўраган.

“Агар сиз кўзингизни 2 сониягагина очганингизда, унда мен жорий йилда тарихда исталган америкаликдан кўпроқ солиқ тўлашимни англаган бўлардингиз”, деб жавоб қилган Маск.

Bloomberg ахборот агентлигининг ҳисоб-китобига кўра, Маскнинг махсус солиқ солинувчи барча опционлари ҳисобга олинса, унда тадбиркор жорий йилда камида 10 млрд доллар солиқ тўлайди. Бунинг учун Маск ўзига тегишли 15 млнта опционни ва 11 млнта акцияни сотган.

Аввалроқ Time нашри америкалик тадбиркорни “Йил одами” деб эълон қилганди. Нашрнинг таъкидлашича, Маскнинг “биргина имо-ишораси” билан фонд биржаси ҳам юқорилаши, ҳам қулаши мумкин.