Британияда бир суткада COVID-19 билан боғлиқ 93 мингдан ортиқ янги ҳолат қайд этилди

Буюк Британияда ўтган сутка давомида коронавирус юқтириш билан боғлиқ 93045 та янги ҳолат аниқланди, деб хабар берди Sky News.

Мамлакатда уч кундан буён COVID-19 ҳолатлари аниқланиши бўйича рекорд қайд этилмоқда.

15 декабрда 78610 та, 16 декабрда 88376 та янги ҳолат қайд этилганди.

Ўтган сутка давомида 111 нафар бемор вафот этган.

Пандемия бошланганидан буён Буюк Британияда 11 миллиондан зиёд инсон касалликка чалинган, 147 мингдан ортиқ бемор вафот этган.