Болтиқ мамлакатлари Украинага ҳарбий ёрдам беришга тайёрлигини маълум қилди
Литва мудофаа вазирининг маълум қилишича, Украинага ҳарбий-дала ҳоспитали тақдим этилиши мумкин, шунингдек, тепловизорлар етказиб берилмоқда.
Болтиқ мамлакатлари мудофаа вазирлари Украина билан ҳамжиҳат экани ва бу мамлакатга ҳарбий ёрдам беришга тайёрлигини маълум қилди.
“Ёрдам турлича – ҳам ҳарбий, ҳам ноҳарбий... Аммо ёрдам берилиши аниқ”, — деди Литва мудофаа вазири Арвидас Анушаускас.
У Латвия ва Эстония мудофаа вазирлари Артис Пабрикс ва Калле Лаанет билан минтақавий хавфсизлик масалаларини муҳокама қилди.
Литва мудофаа вазирининг маълум қилишича, Украинага ҳарбий-дала ҳоспитали тақдим этилиши мумкин, шунингдек, тепловизорлар етказиб берилмоқда.
Эстония мудофаа вазири Калле Лаанетнинг сўзларига кўра, Россия вазиятни юмшатишга уринмаяпти, аксинча, қўшинлар жойлаштиришда давом этмоқда ва “бемаъни” талабларини илгари сурмоқда.
У бундай вазиятда Украинани қўллаб-қувватлаш устувор вазифа бўлиб қолишини ва Эстония мудофаа вазирлиги бу мамлакатга қўшимча мудофаа ёрдами бериш имкониятларини излаётганини айтди.
Пабрикс Украина ҳозирда Европа манфаатларини ҳимоя қилаётганини таъкидлади.
Мавзуга оид
16:20
Норвегия украинларга автоматик равишда бошпана беришни тўхтатади
12:55
АҚШ разведкаси Украинанинг Россия ичкарисига зарба йўллашига рухсат берилишига қарши
11:24
Украина 55 минг кишини бедарак йўқолган деб тан олди
23:40 / 27.09.2024