«Ўзгидромет» ҳафталик об-ҳаво тўғрисида маълумот берди

Бугун республика ҳудудининг катта қисмида баъзи жойларда ёмғир ёғади, фақат шимолий ва шарқий ҳудудларда ёғингарчилик кутилмайди. Ҳарорат фони меъёрдан 4-5 даражага юқори бўлади ва 11-16 даража илиқни ташкил этади.

Фото: Kun.uz

“Ўзгидромет” хабарига кўра, ҳафта давомида Каспий денгизининг жанубий ҳудудларидан нам ҳаво массалари кириб келиши ҳисобига республика бўйича ёмғир ёғади, шимолий ҳудудларда қор ёғиши кузатилади.

Тоғли ҳудудларда ёғингарчилик асосан қор кўринишида бўлади, 3-4 январда баъзи жойларда кучли бўлиши мумкин.

Ҳаво ҳарорати кечалари 0-5 даража илиқ, кундуз кунлари 7-12 даража илиқ атрофида ва меъёрга яқин бўлади.

3-4 январда Ўзбекистон бўйича баъзи жойларда шамол тезлиги 18-23 м/с гача кучайиши мумкин. Республика бўйича баъзи жойларда туман кузатилади.

#об-ҳаво #Ўзгидромет