Uzbekistan Airways Олмаота ва Ақтўбега рейсларни бекор қилди

Uzbekistan Airways авиакомпанияси Қозоғистоннинг Олмаота ва Ақтўбе шаҳарларига парвозлар бекор қилинганини маълум қилди.

«2022 йил 6 январга мўлжалланган HY9729/9730 Нукус-Ақтўбе-Нукус ва HY763/764 Тошкент-Олмаота-Тошкент йўналишлари бўйича авиақатновлари аэропортларнинг техник сабабларига кўра бекор қилинди.

Ушбу йўналиш бўйича парвозларни амалга ошириш кунлари ҳақидаги маълумот қўшимча эълон қилинади.

Йўловчилар 6 январ куни Олмаота ва Ақтўбега бекор бўлган парвозлар авиачипталарининг тўлиқ қийматини чипта сотиб олинган жойда қайтариб олишлари ёки бошқа санага бепул қайта бронлаш ҳуқуқига эгадирлар.

Тўғри тушунишингизга умид қиламиз», дейилади хабарда.

Олдинроқ Uzbekistan Airways Ақтауга парвозлар бекор қилингани тўғрисида маълумот берганди.

Тайёрлаган Азиз Қаршиев

#Қозоғистон #Uzbekistan Airways

2 январь куни Қозоғистоннинг Манғистау областида суюлтирилган газ нархи икки бараварга кўтарилганидан норози бўлган қозоғистонликлар оммавий митингга чиқишди ва кейинги кунларда намойишлар бутун мамлакат бўйлаб ёйилди.