Australian Open. Драматик финалда Надаль супер камбэк эвазига Медведевни мағлуб этди

Турнирга 2-тартиб рақам остида сараланган Даниил Медведев ҳал қилувчи беллашувда 6-рақамли ракетка Рафаэль Надаль билан баҳс олиб борди. 

Дастлабки иккита сетда россиялик теннисчи 6:2, 7:6 ҳисобларида устун келганди. Бироқ испаниялик 35 ёшли спортчи ўзига хос характер намойиш эта олди. 3-4-сетларда Рафа бир хил — 6:4 ҳисобида ғалабага эришди. Сўнгги сетда эса Надаль 7:5 ҳисобида зафар қучиб, янги мавсумдаги дастлабки совринини ютди. 

Бу Рафаэль учун 21-катта титул бўлди ва у теннис тарихида Катта Дубулға туркумига кирувчи турнирларда энг кўп ғолиб бўлган спортчига айланди. 

Эслатиб ўтамиз, бунгача у биринчи ўринни ўзи каби 20тадан соврин ютган Рожер Федерер ва Новак Жокович билан бўлишиб турганди.