Қўшимча функционаллар
-
Тунги кўриниш
Олий ва ўрта махсус таълим вазири эндиликда Волейбол федерациясини ҳам бошқаради
Олий ва ўрта махсус таълим вазири Абдуқодир Тошқулов эндиликда Волейбол федерациясини ҳам бошқаради. Бу ҳақда вазирлик матбуот хизмати Kun.uz’га хабар берди.
Таъкидланишича, 4 февраль куни Миллий олимпия қўмитасида бўлиб ўтган Ўзбекистон Волейбол федерациясининг навбатдан ташқари ҳисобот-сайлов конференциясида Ўзбекистон Волейбол федерацияга раҳбар сайлаш масаласи ҳам кўриб чиқилган.
Унда Ўзбекистон Волейбол федерацияси раҳбари лавозимига олий ва ўрта махсус таълим вазири Абдуқодир Тошқулов номзоди илгари сурилиб, бир овоздан маъқулланган.
«Абдуқодир Тошқулов Ўзбекистон Волейбол федерациясининг президенти этиб сайланди. Вазирлик жамоаси Абдуқодир Ҳамидовични мазкур масъулиятли лавозим билан қутлаб, юртимизда волейбол спорт турини ривожлантириш ва уни ёшлар орасида кенг оммалаштиришдаги ишларига улкан муваффақиятлар тилайди», – дейилади хабарда.
Маълумот учун, Волейбол федерацияси раиси лавозими ўрни унинг аввалги раиси, собиқ жисмоний тарбия ва спорт вазири Дилмурод Набиевнинг 2021 йил 29 январ куни вазирликдан кетиши ортидан бўш қолаётганди.
Мавзуга оид
23:20 / 30.08.2024
Тарихдаги энг баланд бўйли паралимпиадачи Парижда ҳам олтин медални қўлга киритиш ниятида
10:40 / 14.03.2024
Тошкентда волейбол бўйича шаҳар ИИББ бошлиғи кубоги ўтказилмоқда
16:03 / 16.11.2023
Марказий Осиё давлатлари ўртасида волейбол бўйича Ўзбекистон президенти соврини учун мусобақа ўтказилади
16:34 / 01.11.2023