Жиззахда фуқаролар номига кредит олиб ўзлаштирган шахсга жиноят иши қўзғатилди

Бахмал туманида яшовчи шахс икки нафар фуқаронинг номига онлайн кредит олиб, ўзлаштириб юборган.

Фото: AP

Маълум қилинишича, Бош прокуратура ҳузуридаги департаментнинг Бахмал туман бўлими томонидан ўтказилган терговга қадар текширувда аниқланишича, фуқаро С.Д. фуқаролар Ж.Т. ва Ш.Ж.нинг ишончига кириб, уларнинг номига якка тартибдаги тадбиркорлик фаолиятини ташкил этган.

Сўнг ҳудуддаги тижорат банки филиалидан ҳисобрақамини очиб, банк “mobile” иловаси орқали 101 миллион сўм онлайн кредит олишга эришиб, ушбу кредит маблағини ўзининг шахсий эҳтиёжлари учун ишлатиб юборган.

Қайд этилишича, мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилган. Ҳозирда тергов ҳаракатлари ўтказилмоқда.