Мукофотни топшириш маросими 27 март куни ўтказилади. Австралиялик режиссёр Жейн Кэмпион томонидан суратга олинган «Кўппак изми» фильми энг кўп – 12 та номинация бўйича «Оскар»га даъвогарлик қилмоқда.
Фото: AP
Америка киноакадемияси ҳар йили анъанавий тарзда топшириладиган «Оскар» киномукофотига номзодларни эълон қилди.
Австралиялик режиссёр Жейн Кэмпион томонидан суратга олинган «Кўппак изми» фильми энг кўп – 12 та номинация бўйича, жумладан, «Энг яхши фильм» ва «Энг яхши режиссёр» совринларига даъвогарлик қилмоқда. Кейинги ўринларни «Қумтепа» (10 та номинация), «Вестсайд қиссаси» (7 та) ва «Белфаст» (7 та) фильмлари эгаллаб турибди.
«Оскар» мукофотини топшириш маросими 27 март куни ўтказилади. Ҳозирча тадбирнинг бошловчиси эълон қилинмади.
Асосий номинациялар бўйича даъвогарлар:
Энг яхши фильм
- «Кўппак изми» (The Power of the Dog)
- «Белфаст» (Belfast)
- «CODA: Кар ота-она фарзанди» (CODA)
- «Юқорига қараманг» (Don't Look Up)
- «Машинамни бошқар» (Drive My Car)
- «Қирол Ричард» (King Richard)
- «Қумтепа» (Dune)
- «Қизилмияли пицца» (Licorice Pizza)
- «Даҳшат хиёбони» (Nightmare Alley)
- «Вестсайд қиссаси» (West Side Story)
Энг яхши актёр
- Уилл Смит, «Қирол Ричард»
- Хавьер Бардем, «Рикардо ролида»
- Бенедикт Камбербэтч, «Кўппак изми»
- Эндрю Гарфилд, «Тик-так… БУМ!»
- Дензел Вашингтон, «Макбет фожиаси»
Энг яхши актёр аёл
- Николь Кидман, «Рикардо ролида»
- Жессика Честейн, «Тэмми Фэй кўзлари»
- Оливия Колман, «Нотаниш қиз фарзанд»
- Пенелопа Крус, «Параллель оналар»
- Кристен Стюарт, «Спенсер»
Энг яхши режиссёр
- Кеннетт Брана, «Белфаст»
- Рюсукэ Хамагути, «Машинамни бошқар»
- Пол Томас Андерсон, «Қизилмияли пицца»
- Жейн Кэмпион, «Кўппак изми»
- Стивен Спилберг, «Вестсайд қиссаси»
Энг яхши хорижий фильм
- «Тангри қўли» (Италия)
- «Машинамни бошқар» (Япония)
- «Қочиш» (Дания)
- «Лунана: ажойиб хонадаги як» (Бутан)
- «Дунёдаги энг ёмон одам» (Норвегия)
Энг яхши анимацион фильм
- «Энканто»
- «Қочиш»
- «Митчеллар машиналарга қарши»
- «Лука»
- «Райя ва сўнгги аждар»
